Kiçik Kennedi: Bayden hakimiyyətdən imtina etməklə reputasiyasını ləkələdi...

Poliqon xəbər verir ki, bu fikirləri siyasətçi, kiçik Robert Kennedi CBS televiziyasına müsahibəsində deyib.

Aparıcının Baydenin amerikalılara müraciətində seçki yarışından çəkilmək qərarına adekvat izahat verib-vermədiyini soruşduqda kiçik Kennedi mənfi cavab verib.

"Hesab edirəm ki, o, son bir ildə hakimiyyətdən imtina etməklə öz reputasiyasını və karyerasını ləkələdi", deyə Kennedi bildirib.

Prezidentliyə müstəqil namizəd olan kiçik Robert Kennedi həminin bildirib ki, böyük ehtimalla Donald Tramp ABŞ-ın növbəti prezidenti olacaq. O, ölkədə inqilabın gözlədiyini də bildirib: "Məsələ ondadır ki, bu, idealizmə, yoxsa qaranlıq, reqressiv qüvvələrə əsaslanacaq. Seçim bizimdir.

Qeyd edək ki, ABŞ-da prezident seçkiləri 2024-cü il noyabrın 5-də keçiriləcək. Ehtimal edilirdi ki, ABŞ-ın hazırkı prezidenti Co Bayden Demokratlar Partiyası tərəfindən namizəd göstəriləcək. Lakin iyulun 21-də o, yarışdan çıxdığını elan edib və vitse-prezident Kamala Harrisin namizədliyini dəstəkləyib.

ABŞ-ın keçmiş prezidenti Donald Tramp Respublikaçılar Partiyasının namizədliyi uğrunda mübarizə aparır. İyulun 13-də Tramp Pensilvaniyada seçkiqabağı mitinq zamanı həyatına qəsddən sağ çıxıb. Siyasətçiyə bir neçə dəfə atəş açılıb, bundan sonra qulağı qanlı halda səhnədən götürülüb və xəstəxanaya yerləşdirilib. Müalicə aldıqdan sonra Tramp xəstəxanadan buraxılıb.

Poliqon.info