Vaşinqtonda Netanyahunun səfərinə qarşı etiraz aksiyaları keçirilib

Poliqon MİR 24 telekanalına istinadən xəbər verir ki, insanlar İsrail baş nazirinin ABŞ-a səfərinə etiraz olaraq küçələrə çıxıblar.

Etirazçılar Netanyahunun karrikatura obrazları ilə küçələri gəziblər. Bu karrikaturalardan biri yandırılıb, Netanyahunun əlləri qan içində olan digər karrikaturası şəhər ətrafında gəzdirilməyə davam edib. Ara-sıra polislə toqquşmalar olub, lakin kütləvi həbslər barədə məlumat verilməyib.

Maraqlıdır ki, nümayişçilərin əllərində təkcə Fələstin deyil, həm də İsrail bayraqları olub. Etirazçılar küçələrə kanistrlərdən qırmızı maye tökərək bunun fələstinlilərin qanını simvolizə etdiyini bildiriblər.

Bu arada bu etirazlar səfərin proqramına təsir etməyib. İsrailin baş naziri həm ABŞ prezidenti Co Bayden, həm də vitse-prezident Kamala Harrislə görüşüb. Qəzza zolağında atəşkəs imkanlarını müzakirə ediblər.

Poliqon.info