Belarus İstintaq Komitəsi 20 nəfəri sui-qəsddə ittiham edir

Poliqon xəbər verir ki, bu barədə İstintaq Komitəsi öz Telegram kanalında məlumat yayıb.

İstintaq Komitəsi qeyd edib ki, müstəntiqlər keçmiş prezidentliyə namizəd Svetlana Tixanovskayanın 20 analitikinə qarşı işi araşdırır. İstintaqın məlumatına görə, şübhəlilər respublikada hakimiyyətin konstitusiyaya zidd yollarla ələ keçirilməsi üçün sui-qəsdə cəlb olunub və cinayət fəaliyyətinin effektivliyini təmin etmək üçün yaradılmış ekstremist birləşmələrə qoşulublar.

İstintaq Komitəsi təqsirləndirilən şəxslərin xaricdə olduğunu qeyd edib.

Bundan əvvəl Belarus məhkəməsi Polşanın "Belsat" telekanalı ilə əməkdaşlıq edən jurnalist Pavel Mojeyko və keçmiş vəkil Yuliya Yurqileviçi 6 il müddətinə azadlıqdan məhrum edib. Qeyd olunur ki, təqsirləndirilən şəxslər qabaqcadan əlbir olaraq bir qrup şəxs tərəfindən dəfələrlə törədilmiş ekstremist fəaliyyətə şərait yaratmaqda təqsirli biliniblər.

Ötən gün isə Belarus prezidenti Aleksandr Lukaşenko bildirib ki, Qərb dövlətləri ölkəyə qarşı təxribatlar üçün xüsusi dəstələr hazırlayır. Onun sözlərinə görə, bu qərarlar "xüsusi vəziyyət" səbəbindən zəruridir:

"Cənubda müharibə var (Rusiya Federasiyası ilə Ukrayna arasında münaqişə-red.). Qərbdə - Polşa, Litva, Baltikyanı ölkələr də vəziyyət daha da pisdir. Orada müvafiq dəstələr hazırlanır, komandirlər müəyyənləşib".

Poliqon.info