Böyük Britaniyanın neft-qaz şirkəti BP-nin keçmiş rəhbəri Bernard Luni direktorlar şurasına yalan danışdığına görə istefa verdikdən sonra 32,4 milyon funt-sterlinq (indiki məzənnə ilə təxminən 40,6 milyon dollar) məbləğində ödənişlərini itirəcək...
Poliqon xəbər verir ki, bu barədə Bloomberg Agentliyi məlumat yayıb.
Şirkətdən bildirilib ki, Bernard Luni idarə heyətini qəsdən çaşdırıb. Nəşr qeyd edib ki, onun hərəkətsizliyi ciddi qanun pozuntusu hesab edilib.
Buna görə də, Bernard Luni 2023-cü maliyyə ili üçün maaş, pensiya və ya bonus almayacaq. Bundan əlavə, 32,4 milyon funt-sterlinq məbləğində potensial mükafatın bir hissəsi keçmiş direktorun istefasından dərhal sonra avtomatik olaraq ləğv edilib.
O da məlum olub ki, BP artıq 2022-ci ildə Bernard Luniyə ödənilmiş bonusun nağd hissəsinin 50%-ni, habelə ona ümumilikdə təqribən 1 milyon funt-sterlinq (1,3 milyon dollar) köçürülmüş səhmlərin bir hissəsini geri götürəcək.
Bernard Luni 2020-ci ildən BP-yə rəhbərlik edib. Lakin həmkarları ilə şəxsi münasibətlərini gizlətdiyi üçün 2023-cü ilin sentyabrında istefa verib.
BP-yə rəhbərlik etdiyi müddətdə Bernard Luni aşağı karbonlu enerjiyə daha sürətli keçidi fəal şəkildə dəstəkləyib. Bu, neft hasilatının azaldılması və elektromobillər sahəsində texnologiyaların inkişafı planlarında özünü göstərdi. "Bloomberg" qeyd edir ki, BP-nin səhmləri də Bernard Luninin CEO vəzifəsinə təyin edilməsindən sonra rəqabət aparan şirkətlərlə müqayisədə daha az cəlbedici olub və bu da qismən Avropadakı enerji böhranı ilə bağlıdır.
Poliqon.info
Digərxəbərlər
Populyar xəbərlər
