Putin gözlənilmədən Rostovda yerləşən Cənub Hərbi Dairəsinə gedib

Poliqon Rusiya mətbuatına əsasən xəbər verir ki, Rusiya prezidentinin Cənub Hərbi Dairəsinin qərargahına səfəri Ukrayna Silahlı Qüvvələrinin Xerson vilayətində Dnepr çayının sol sahilində Rusiya müdafiə xəttini aşması ilə bağlı xəbərlər fonunda baş tutub.

Putin sonuncu dəfə avqustda, Priqojinin qiyamından təxminən ay yarım sonra Rostovdakı qərargaha baş çəkib.

Putinin Rostova səfəri ilə bağlı ilk mesaj “RİA Novosti” Agentliyinin saytında Dmitri Peskova istinadən saat 01:13-də dərc edilib. Kremlin saytındakı nəşrin məlumatına görə, Putin Baş Qərargah rəisi Valeri Gerasimovun Ukraynadakı müharibə ilə bağlı hesabatını dinləyib, həmçinin Müdafiə Nazirliyinin rəhbərliyi ilə “digər söhbətlər” aparıb.

Putinin səfərinin yeganə videosunu Müdafiə Nazirliyinin “Zvezda” kanalı yayıb. Kadrlarda Putin təyyarədən düşür, maşına minir, Gerasimovun müşayiəti ilə qərargaha daxil olur, sonra masa arxasında ofisdə birlikdə ünsiyyət qururlar. Son görüntülərdə prezident Gerasimovun müşayiəti ilə maşına enir, onun Baş Qərargah rəisindən “bütün komandirlərə salam deməyi” xahiş etməsi eşidilir.

Çərşənbə günü Rusiyanın hərbi bologerləri teleqram kanallarında Ukrayna Silahlı Qüvvələrinin Xersondan bir neçə kilometr aralıda, Dnepr çayının sol sahilində, Pesçanovka kəndində Poyma kəndini və bir neçə yerdə Rusiyanın müdafiə xəttinin yarılması barədə məlumat verib. Ukrayna qoşunlarının irəliləyişini Amerika Müharibə Araşdırmaları İnstitutu (ISW) təsdiqləyib.

Pekində keçirdiyi mətbuat konfransında Putin Ukrayna Silahlı Qüvvələrinin Xerson vilayətində hücuma keçdiyini də etiraf edib, lakin təfərrüatları açıqlamayıb, sadəcə olaraq, Ukrayna hərbçilərinin uğur əldə etmədiyinə aydınlıq gətirib.

Putin sonuncu dəfə avqustun 19-da Cənub Hərbi Dairəsinin qərargahında olub. Bundan əvvəl Putin mart ayında Mariupola səfəri zamanı qərargahı ziyarət etmişdi.

Poliqon.info