Polşa Belarusdakı yüksək vəzifəli şəxslərin Varşavaya qarşı ittihamlarından təəccüblənir və məyus olur.
APA-nın TASS-a istinadən verdiyi xəbərə görə, bu barədə Polşanın Xarici İşlər nazirinin müavini Marçin Pşidaç Belarusun Polşadakı səfiri Vladimir Çuşevlə görüşdən sonra keçirilən brifinqdə deyib.
Nazir müavini bildirib ki, səfir Belarus hakimiyyətinin ən yüksək nümayəndələrinin Polşaya qarşı səsləndirdiyi bir sıra yalnış ittihamlarla əlaqədar təcili Xarici İşlər Nazirliyinə çağırılıb.
Nazir müavini ölkəsinin bu ittihamlarla razılaşmadığını vurğulayıb. "Biz məyusuq, prezident Lukaşenkonun və onun ətrafındakıların fikirlərinə təəccüblə baxırıq. Bütün bunlar əsassızdır. Polşada sərhədlərin dəyişməsi və ya qoşunların hərəkəti barədə heç bir müzakirələr aparılmır. Fikrimizcə, bu, Belarus cəmiyyətini bəzi xəyali xarici düşmənlə qorxutmaq cəhdidir", - deyə Pşidaç bildirib.
Polşalı diplomat əlavə edib ki, nə onun ölkəsinin nə də NATO-nun Belarusa qarşı düşmən planları var.
Xatırladaq ki, Belarus Prezidenti Aleksandr Lukaşenko Polşanı Belarusun Qrodno vilayətini ilhaq etmək planında ittiham edib.
pia.az
Digərxəbərlər
Populyar xəbərlər
