APA-nın yerli müxbirinin xəbərinə görə, şəhər sakini 2008-ci il təvəllüdlü Əliyev Ayxan Məhəmməd oğlu Yuxarı Qarabağ kanalının Mingəçevir şəhəri ərazisindən keçən hissəsində batıb.
Hazırda FHN-nin Kiçikhəcimli Gəmilərə Nəzarət və Sularda Xilasetmə Dövlət Xidmətinin əməkdaşları Ayxan Əliyevin axtarışını davam etdirir.
***
Mingəçevirdə su kanalında bir nəfər batıb.
Bu barədə PİA.az-a Fövqəladə Hallar Nazirliyinin (FHN) Mətbuat Xidmətindən məlumat verilib.
Fövqəladə Hallar Nazirliyinin (FHN) "112" qaynar telefon xəttinə Yuxarı Qarabağ kanalının Mingəçevir şəhəri ərazisindən keçən hissəsində 1 nəfərin batması barədə məlumat daxil olub. FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Əlavə məlumat veriləcək.
pia.az