Dünən keçmiş deputat, ləğv olunmuş "Debüt Bank"-ın mərhum sədri Fərhad Qəribovun oğlu Rəşad Qəribov Kürdəmirdə qalmaqal yaradıb...
Poliqon xəbər verir ki, "AzPolitika"-ya daxil olan məlumata görə, R. Qəribov 62 saylı seçki dairəsindən bitərəf kimi namizədliyini irəli sürüb. Rayonda iri biznes sahibi olan iş adamı qısa müddətdə imzaları və sənədlərini DSK-ya təqdim edib. Amma komissiya sədri iş başında olmadığına görə sənədlər qəbul olunmayıb. DSK sədri xəstəxanada, sistem altında olduğunu bildirib və gün ərzində DSK-ya gələ bilməyəcəyini deyib.
Bundan qəzəblənən Rəşad Qəribov işçilərini və qohumlarını seçki komissiyasının ətrafına toplayaraq, imzalarının qəbul edilməsini tələb edib. Nəticədə, 300-ə qədər Kürdəmir sakini DSK-nın qarşısına yığılıb və əraziyə polis əməkdaşları cəlb edilib.
Daha sonra R. Qəribovun göstərişi ilə toplaşanlar evlərinə dağılışıb.
Poliqon.info
Digərxəbərlər
Populyar xəbərlər
