Co Bayden seçki hazırlığı çərçivəsində keçirdiyi mitinqdə deyib ki, onun Si Cinpinlə gözlənilən görüşü ABŞ-ın dünyadakı liderliyini nümayiş etdirir...
ABŞ prezidenti Co Bayden hesab edir ki, onun San-Fransiskoda Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində Çin prezidenti Si Cinpinlə gözlənilən görüşü Pekinin problemlərlə üzləşdiyi bir vaxtda dünyada ABŞ liderliyinin bərpasına işarədir.
Poliqon xəbər verir ki, Amerika liderinin sözlərini Ağ Evin mətbuat xidməti sitat gətirib. Bayden bu barədə çərşənbə axşamı axşam San-Fransiskoda seçki kampaniyası üçün pul yığımında danışdığı zaman bildirib.
“Sədr Si ilə gözlənilən görüş Amerika liderliyinin dünyada necə bərpa olunduğunun daha bir nümunəsidir. Çünki Çinin real problemləri var, dostlar”, deyə ABŞ prezidenti vurğulayıb.
CNN bildirir ki, Amerika lideri problemlər dedikdə Çin iqtisadiyyatındakı vəziyyəti nəzərdə tutur. Kanalın məlumatına görə, Çin işsizliklə üzləşib və daşınmaz əmlak sektorundakı böhran isə “investorları qorxudub”.
CNN onu da qeyd edir ki, ABŞ prezidenti bundan əvvəl də oxşar tədbirlərdə Çinlə bağlı sərt açıqlamalar verib. Bayden bir dəfə Çinin iqtisadi gücünü “saatlı bomba” adlandırıb və bu, Pekini qəzəbləndirib.
Si Tsinpin APEC sammitində iştirak etmək, həmçinin Baydenlə danışıqlar aparmaq üçün bu gün San-Fransiskoya gəlib. APEC sammiti noyabrın 15-dən 17-dək keçiriləcək. Noyabrın 15-də sammit çərçivəsində Çin və ABŞ liderləri arasında görüş planlaşdırılır.
Poliqon.info
Digərxəbərlər
Populyar xəbərlər
