Venesuela hökuməti ABŞ və Argentina hakimiyyətini "Boeing 747-300" təyyarəsini "oğurlamaqda" ittiham edib...
Poliqon xəbər verir ki, bu barədə Venesuelanın xarici işlər naziri İvan Gil Pinto bildirib.
Nazirin sözlərinə görə, ABŞ və Argentina mülki aeronavtikanı tənzimləyən bütün normaları kobud şəkildə pozub.
Xarici işlər naziri Venesuelanın təyyarənin "oğurlanmasına" qəti, birbaşa və mütənasib cavab veriləcəyini vurğulayıb. Bu məqsədlə Karakas milli konstitusiya, diplomatiya və beynəlxalq hüquq çərçivəsində bütün mümkün vasitələrdən istifadə edəcək və təyyarənin qanuni sahibinə qaytarılmasına nail olacaq.
2022-ci il iyunun əvvəlində Venesuela şirkətinə məxsus təyyarə yanacaq doldurmaq üçün yerə endikdən sonra Argentinada saxlanılıb. Argentina hakimiyyəti Vaşinqtonun təkidi ilə təyyarəni ələ keçirib.
2024-cü ilin fevral ayının əvvəlində Birləşmiş Ştatlar Venesuelanın Essequibo bölgəsinin mülkiyyəti ilə bağlı davam edən mübahisə səbəbindən yüngül tanklar, patrul katerləri və zirehli personal daşıyıcılarını neftlə zəngin Qayana ilə sərhədə daşıdığını bildirib.
Poliqon.info
Digərxəbərlər
Populyar xəbərlər
