Qazaxıstanlı nazir: Rusiyaya qarşı sanksiyalara kor-koranə əməl etməyəcəyik...

Poliqon Bloomberg Agentliyinə istinadən xəbər verir ki, bunu Qazaxıstan baş nazirinin müavini və ticarət və inteqrasiya naziri Serik Jumanqarin deyib.

Jumanqarin dəqiqləşdirib ki, Qazaxıstan ikili təyinatlı məhsul hesab edilən bilyalı podşipniklərin satışına qadağaya qoşulmayıb. Onun sözlərinə görə, istehsal yalnız Şərqi Avropa və keçmiş Sovet İttifaqı ölkələrində tələb olunan spesifikasiyalar üzrə aparılır.

"Biz istehsalçılarımızın ticarətinə qadağa qoyulmasına icazə verməyəcəyik", deyə nazir bildirib.

Eyni zamanda, o əlavə edib ki, Astana Qərb ölkələrinin birbaşa məhdudiyyətlərinə tab gətirməyəcəyi üçün əksər sanksiya məhdudiyyətlərinə əməl etməyə davam edəcək. "Sanksiya siyahısında olan Qazaxıstan şirkətləri artıq bağlanma prosesindədir", deyə ticarət naziri şikayətlənib.

Bundan əvvəl Avropa İttifaqının sanksiyalar üzrə xüsusi nümayəndəsi David O'Sullivan bildirmişdi ki, Aİ Rusiya Federasiyasının Qazaxıstanın köməyi ilə sanksiyaya məruz qalan malları ala biləcəyindən narahatdır. Onun sözlərinə görə, Brüssel Astananın bəzi malları əhəmiyyətli həcmdə idxal etdiyini müşahidə edib. Avropa rəsmiləri məhsulların Rusiyaya yönləndirilə biləcəyindən narahatdırlar.

Poliqon.info