Amerikalı senator Lindsey Graham Kiyevə səfəri zamanı Ukrayna vətəndaşlarını yaş məhdudiyyətindən asılı olmayaraq Ukrayna ordusunda xidmət etməyə çağırıb...
Poliqon xəbər verir ki. bu barədə The Washington Post qəzetinin məlumatında bildirilib.
Qeyd edək ki, hazırda 27 yaşa qədər ukraynalılar səfərbərlikdən azaddırlar. Lakin 18 yaşından könüllü olaraq Ukrayna ordusunda xitmək mümkündür.
“Ümid edirəm ki, Ukrayna ordusunda xidmət etmək hüququ olanlar xidmətə gedəcək. İndi bu yaş limitinin 27 olduğuna inana bilmirəm”, deyə Qrem bildirib.
Senatorqeyd edib ki, ukraynalılar ABŞ-ın Ukraynaya hərbi yardım edib-etməməsindən asılı olmayaraq mübarizə aparmalıdırlar.
“Biz nə etsək də, siz özünüz üçün mübarizə aparırsınız”, deyə Qrem vurğulayıb. Senator qeyd edib ki, ABŞ-da ən populyar ideya Ukraynaya faizsiz kredit şəklində dəstək verməkdir.
Xatırladaq ki, 2023-cü ilin dekabrında Ukrayna hökuməti Ali Radaya hərbi xidmətə çağırış yaşının aşağı həddini 27-dən 25 yaşa endirən səfərbərlik haqqında qanun layihəsi təqdim edib. 2024-cü il fevralın 7-də Ali Rada layihəni birinci oxunuşda qəbul edib.
Poliqon.info