Vladimir Zelenski Ukrayna hökumətindəki bir sıra istefaları 2024-cü ilin payızının Kiyev üçün “son dərəcə vacib” olması ilə əlaqələndirib...
Poliqon xəbər verir ki, bu barədə Zelenski növbəti müraciətində bildirib.
Qeyd edək ki, Ukrayna Nazirlər Kabinetinin 6 üzvü - xarici işlər naziri Dmitri Kuleba, baş nazirin müavinləri İrina Vereşçuk və Olqa Stefanişina, ədliyyə naziri Denis Malyuska, ətraf mühitin mühafizəsi naziri Ruslan Strelets və strateji sənaye naziri Aleksandr Kamışin istefa verib.
“Payız Ukrayna üçün son dərəcə əhəmiyyətli olacaq. Bizim dövlət institutlarımız elə konfiqurasiya edilməlidir ki, Ukrayna bizə lazım olan bütün nəticələri əldə etsin”, deyə Zelenski bu istefaları izah edib.
Ukrayna prezidenti əlavə etdi ki, hökumətdə müəyyən sahələri gücləndirmək istəyir. Zelenski ofisində də dəyişiklikləri açıqlayıb. O, Ukraynanın xarici və daxili siyasətinin müəyyən sahələri üçün bir qədər fərqli çəki gözlədiyini bildirib.
Zelenski vurğulayıb ki, Ukraynada müdafiə istehsalının artırılması, o cümlədən tərəfdaşlarından investisiyaların cəlb edilməsi yolu ilə artırılmalıdır. O, qeyd edib ki, hökumət NATO ilə işini gücləndirməli və üzvlüklə bağlı Aİ ilə real danışıqlara getməlidir.
Poliqon.info
Digərxəbərlər
Populyar xəbərlər
