Türkiyə Qətərə hərbi gəmilər və F-16 döyüş təyyarələri göndərib...
Azər Qasımov: “Ərdoğan və Qətər şeyxi Əl Tanı ilə imzalanmış razılaşmaya əsasən Türkiyə Qətərdəki hərbi mövcudluğunu artırmaq qərarına gəlib”.
“HƏMAS-ın siyasi mərkəzi belə Qətərdə yerləşir. Görünən odur ki, Qətər tək ölkə kimi yox, eyni zamanda, “mərkəz” kimi də əhəmiyyət daşıyır”.
Bu sözləri politoloq Azər Qasımov Türkiyə və Qətər arasında olan yaxınlaşmanı Poliqon-a şərh edərkən qeyd edib.
Bildiyimiz kimi, Türkiyə Qətərə hərbi gəmilər və F-16 döyüş təyyarələri göndərib. Ardınca isə Qətər əmiri Ankarada Ərdoğanla görüşüb.
Nəzərə alsaq ki, Qətərdə ABŞ-ın Yaxın Şərqdə ən böyük hərbi bazası yerləşur, o zaman Türkiyənin bu addımları nədən xəbər verir və bu konteksdə Yaxın Şərqdə nələr baş verir?
Yaxın Şərqdə baş verənləri Poliqon-un əməkdaşı politoloq politoloq Azər Qasımov ilə müzakirə edib.
Azər Qasımov: “Türkiyənin Qətərdə olan maraqları digər ərəb ölkələrindən çoxdur”.
Qətərin Türkiyə üçün ərəb dövlətləri arasında xüsusi əhəmiyyətə malik olduğunu xatırladan politoloq Poliqon-a bildirib ki, bu, əvvəla Türkiyə Prezidenti Ərdoğan ilə Qətər əmiri Əl Tani arasında olan xüsusi münasibətlərə əsaslanır:
“Türkiyə və Qətər arasında, Ərdoğan və Qətər rəhbəri Əl Tanı ilə ikitərəfli imzalanmış razılaşmaya əsasən Türkiyə Qətərdəki hərbi mövcudluğunu artırmaq qərarına gəlib. Türkiyə bu məqsədlə Qətərə hərbi gəmilər və 6 ədəd F-16 döyüş təyyarələri yerləşdirəcək. Bir müddət öncə Qətər də öz döyüş təyyarələrini Türkiyəyə göndərmişdi. Qətər Türkiyə üçün ərəb dövlətləri arasında xüsusi əhəmiyyətə malikdir. Bu, əvvəla Türkiyə Prezidenti Ərdoğan ilə Qətər əmiri Əl Tani arasında olan xüsusi münasibətlərə əsaslanır.
Eyni zamanda Qətər ərəb müsəlman dünyası içərisində “Müsəlman qardaşları” “Ihvan” adlanan müxalif təşkilatın da mərkəzidir. Səudiyyə Ərəbistanı, BƏƏ və Misir ilə hər zaman qarşı cəbhələrdədir. Bir neçə il öncə, hətta həmin ölkələr Qətərə hücum etmək barədə qərar qəbul etmişdilər. Türkiyənin Qətərə ordu birlikləri göndərməsi və orda hərbi baza yerləşdirilməsi onları bu fikirlərindən çəkindirmişdi.
Azər Qasımov: “Qətər dünya miqyasında mövcud olan dərin təşkilatların əlaqə mərkəzi rolu oynayır”.
Qətər kiçik ölkə olsa da, strateji mövqeyi baxımından Fars körfəzində çox əhəmiyyətli yerdə yerləşir. Qətərin ərəb dünyasında xüsusi yeri vardır. Qətər dünya miqyasında mövcud olan dərin təşkilatların əlaqə mərkəzi rolu oynayır. HƏMAS-ın siyasi mərkəzi belə Qətərdə yerləşir. Görünən odur ki, Qətər tək ölkə kimi yox, eyni zamanda, “mərkəz” kimi də
əhəmiyyət daşıyır. Bu baxımdan, Türkiyənin Qətərdə olan maraqları digər ərəb ölkələrindən çoxdur.
Yaxın Şərqdə hadisələr İranın HƏMAS-ın rəhbərinin Tehranda öldürülməsindən sonra İsrailə hücuma hazırlaşır. Ən azı hücum etməyəcəyi də deyilmir. Hesab edirəm ki, Türkiyə İsrailə təzyiqləri artırmaq üçün Qətərdə hərbi varlığını gücləndirir. Bu, həm hərbi, həm də siyasi təzyiq yoludur”.
Nərminə UMUDLU
Poliqon.info