Nigeriyanın şimal-şərqində “Boko Haram” qruplaşmasının 150-yə yaxın silahlısı Yobe əyalətinin Mafa kəndinə hücum edərək 80-ə yaxın sakini öldürüb...
Poliqon xəbər verir ki, bu barədə France Presse Agentliyi məlumat yayıb. Yobe polisinin sözçüsü Abdulkarim Dungus AFP-yə bildirib ki, hücumda ölənlərin faktiki sayı hələ tam müəyyənləşdirilməyib.
“Onlar çoxlu adam öldürdülər, çoxlu mağaza və evi yandırdılar. Hücumda ölənlərin faktiki sayını hələ müəyyənləşdirə bilməmişik”, deyə Dungus, ən azı 81 nəfərin öldüyünü bildirib.
Polisə görə, hücumun məqsədi iki “Boko Haram” yaraqlısının Mafa milisləri tərəfindən öldürülməsinə görə qisas almaq olub.
Xatırladaq ki, qatı islamçı terror təşkilatı olan “Boko Haram” 2002-ci ildən Nigeriyada fəaliyyət göstərir. Qrup üzvləri şəriət qanunlarının tətbiqinin tərəfdarıdır və Qərbin təsiri ilə mübarizə aparırlar.
Son illərdə hərəkat daha radikal xarakter alıb. Bu qruplaşmanın terrorçularının əli ilə bir neçə min insan həlak olub.
Poliqon.info
Digərxəbərlər
Populyar xəbərlər
