Qəzzada sülh əldə olunarsa, İran İsrailə hücumu təxirə salacaq

Poliqon xəbər verir ki, bu barədə Reuters Agentliyi üç İran rəsmisinə istinadən məlumat yayıb.

Qeyd edək ki, Qəzza zolağında müharibə ilə bağlı növbəti danışıqlar avqustun 15-də baş tutacaq.

Reuters Agentliyinin bir mənbəsi bildirib ki, İran Livan “Hizbullah”ı ilə birlikdə Qəzza zolağında danışıqlar uğursuz olarsa və ya İsrailin danışıqlarda ayaqlarını sürüklədiyinə görərsə, İsrailə hücum etməyi planlaşdırır. Həmsöhbətlər əlavə ediblər ki, İran son günlər ABŞ daxil olmaqla, Qərb ölkələri ilə mümkün cavab tədbirləri ilə bağlı dialoq aparır.

Xatırladaq ki, İran Fələstinin HƏMAS hərəkatının Siyasi Bürosunun rəhbəri İsmayıl Haniyənin Tehranda qətlə yetirilməsinə cavab olaraq İsrailə genişmiqyaslı hücuma başlayacağını vəd edib.

Poliqon.info