İsrail Müdafiə Qüvvələri Qəzza zolağının Rəfah şəhərində 100-ə yaxın fələstinli HƏMAS yaraqlısının öldürüldüyünü bildirib...
Poliqon xəbər verir ki, bu barədə İsrail ordusunun telegram kanalında mılumat verilib. Qeyd edilir ki, HƏMAS yaraqlıları 162-ci diviziyanın Şabur ərazisində bir neçə gün davam edən əməliyyatı zamanı öldürülüb.
İsrail ordusunun məlumatına görə, hərbçilər yüzlərlə infrastruktur obyektini, minalanmış bina və sığınacaqları, silah anbarlarını məhv edib. Əməliyyat zamanı İsrail əsgərləri mülki məhəllənin mərkəzində barrikada quran yaraqlılarla da atışıb. Silahlıların gizləndiyi yerdə hərbçilər tunel şaxtası aşkar ediblər.
İsrail ordusu əməliyyatın hissələrini əks etdirən video da yayımlayıb. Bu videoların birində at arabasının yanında gedən bir neçə silahlı şəxsə hava hücumu həyata keçirən pilotsuz təyyarənin görüntüləri göstərilir.
Poliqon.info