Müdafiə naziri Lloyd Ostin bildirib ki, Pentaqon “temperaturun aşağı salınması” və təhdidlərə cavab vermək üçün Yaxın Şərqdə yeni yerləşdirmələrə hazırdır...
Poliqon xəbər verir ki, bu barədə Pentaqon rəhbəri avstraliyalı həmkarları ilə Annapolisdə keçirdiyi birgə mətbuat konfransında məlumat verib.
Ostinin sözlərinə görə, bu ay “USS Abraham Linkoln”un başçılıq etdiyi zərbə qrupunun regionda “Teodor Ruzvelt” aviadaşıyıcısının rəhbərlik etdiyi qrupu əvəz etməsi planlaşdırılır. Pentaqon şefi qeyd edib ki, bölgəyə hava hücumundan müdafiə sistemləri olan esmines və raket kreyseri də göndəriləcək və əlavə qırıcı eskadrilyalar yerləşdiriləcək.
“Biz İsraili terrorçu qrupların və ya onların sponsorlarının hücumlarından müdafiə etməyə davam edəcəyik”, deyə Ostin vurğulayıb.
Beynəlxalq koalisiya qüvvələrinin istifadə etdiyi İraqın qərbindəki “Əl-Əsəd” aviabazasına edilən son hücumdan danışan Lloyd Ostin qeyd edib ki, Birləşmiş Ştatlar bölgədəki ordusuna qarşı hücumlara dözməyəcək.
Poliqon.info
Digərxəbərlər
Populyar xəbərlər
