20 yaşlı Tomas Metyu Kruks iyulun 13-də Pensilvaniyada seçki kampaniyası zamanı ABŞ prezidentliyinə namizəd Donald Trampa atəş açdıqdan sonra Gizli Xidmət agentləri tərəfindən güllələnərək öldürülüb. Trampın özü yalnız yüngül qulağı zədəsi alıb, onun arxasında dayanan bir nəfər sui-qəsd nəticəsində ölüb, daha iki nəfər isə ağır yaralanıb.
Poliqon xəbər verir ki, indi Federal Tədqiqat Bürosu (FTB) onun Böyük Britaniya kral ailəsinin bir üzvünü də hədəf aldığı hesabat dərc edib.
"The Mirror"un məlumatına görə, ABŞ təhlükəsizlik agentliyinin araşdırması nəticəsində məlum olub ki, Kruks ölümündən əvvəl internetdə Britaniya kral ailəsinin adı açıqlanmayan üzvünü başqa mümkün sui-qəsd hədəfi kimi axtarırmış.
Kral ailəsinin nümayəndələri bu məlumatı "Bild"ə şərh etməkdən imtina ediblər.
FTB-nin hesabatına görə, Kruks ABŞ-ın yüksək rütbəli rəsmiləri, o cümlədən FTB direktoru Kristofer Rey və ABŞ Baş prokuroru Merrik Qarland haqqında da məlumat toplayıb. Bundan əlavə, müstəntiqlər onun elektron cihazlarında ABŞ prezidenti Co Bayden və Donald Trampın fotoşəkillərini, eləcə də qarşıdan gələn mitinqlərin tarixləri olan qeydləri tapıblar.
FTB Kruksun telefonunu sındırıb, evində axtarış aparıb, kompüterini yoxlayıb və 100-dən çox insanla müsahibə aparsa da, hücumun motivi hələ də bəlli deyil. Yalnız məlumdur ki, sui-qəsddən bir neçə gün əvvəl Kruks oyun saytlarından birində yazıb: "13 iyul mənim debütüm olacaq, bunun necə baş verdiyinə baxın".
Poliqon.info
Digərxəbərlər
Populyar xəbərlər
