Respublikaçıya qarşı sui-qəsddən sonra Ağ Evin rəhbəri seçilərkən hazırkı lider Co Baydenə yox, keçmiş prezident Donald Trampa səs verməyə hazır olan Amerika vətəndaşlarının sayı artıb...
Poliqon xəbər verir ki, bunu CBS telekanalının keçirdiyi sorğunun məlumatları göstərir. Sorğunun nəticələrinə görə, respondentlərin 52%-i Trampı, 47%-i Baydeni dəstəkləməyə hazırdır.
Sorğu 16-18 iyul tarixlərində qeydə alınmış 2,2 mindən çox seçici arasında keçirilib. Səhv marjası 2,7 faiz bəndi təşkil edib.
İyulun əvvəlində keçirilən əvvəlki sorğu ilə müqayisədə Trampın Bayden üzərindəki üstünlüyü beş bənd artıb.
Eyni zamanda, respondentlərin 26%-i bildirib ki, məhz respublikaçı namizədin sui-qəsd cəhdindən sonrakı davranışı onları seçkilərdə onu dəstəkləməyə inandırıb.
Bu sorğuda Tramp həm də Baydenin yarışdan geri çəkiləcəyi təqdirdə Demokratların mümkün namizədi kimi qəbul edilən ABŞ vitse-prezidenti Kamala Harrisi də qabaqlayıb.
Tramp və Harris ən yüksək dövlət postu uğrunda mübarizə aparırsa, o zaman ABŞ vətəndaşlarının 51%-i respublikaçıya, 48%-i isə Demokratlar Partiyasının nümayəndəsinə üstünlük verməyə hazırdır.
Poliqon.info
Digərxəbərlər
Populyar xəbərlər
