İyulun 1-də Rusiya cəbhə xəttindən təqribən 150 kilometr aralıda yerləşən Ukraynanın Mirqorod aerodromuna "İskəndər"in hücumu barədə məlumat verib...
Poliqon Forbes nəşrinə istinadən xəbər verir ki, zərbə nəticəsində Ukraynanın iki "Su-27" təyyarəsi məhv edilib.
"Rusyaya məxsus pilotsuz uçan aparat günorta saatlarında bazanın açıq ərazisində dayanmış ən azı altı Ukraynaya məxsus "Su-27" səsdən sürətli döyüş təyyarəsini görüb. Onlara atılan "İskəndər" raketi iki qiymətli "Su-27"ni məhv edib, digər dördünü isə zədələyib", deyə məlumatda qeud edilir.
Forbes yazır ki, bu, Ukrayna Hərbi Hava Qüvvələri üçün Rusiya Federasiyasının genişmiqyaslı işğalının başlanğıcından bəri ən bahalı günlərdən biri ola bilər.
Nəşr eyni zamanda yazır ki, Mirqoroda hücum Rusiyanın həssas Ukrayna hərbi hava bazalarına silsilə hücumlarının sonuncusudur.
"Ötən ilin payızında həyata keçirilən ilk iki zərbə Ukrayna Hərbi Hava Qüvvələrini ehtiyatsızlıqda yaxaladı və bir cüt "MiQ"-29 qırıcısını partladı. Noyabr ayında edilən üçüncü zərbə, deyəsən, uça bilməyən "Su-25" hücum təyyarəsini vurmuşdu. Lakin sonra dördüncü pilotsuz təyyarə zərbəsi "Su-25"i vura bildi. "İsgəndər"in Mirqorodda məhv etdiyi iki "Su-27" rusların son doqquz ayda yerdə partlatdıqları Ukrayna döyüş təyyarələrinin sayını ən azı beşə çatdırıb. Ukraynalılar bu itkilərin əvəzini ödəyə bilməzlər", deyə Forbes yazıb.
Nəşrin məlumatına görə, Ukrayna Hərbi Hava Qüvvələri 125-ə yaxın "Su-27", "Su-25", "MiQ-29" və digər təyyarələrlə silahlanmış şəkildə müharibəyə daxil olub. "Oryx" analitiklərinin fikrincə, eyni zamanda, 28 aylıq şiddətli döyüşlər zamanı ukraynalılar 90-a yaxın təyyarə itiriblər.
Forbes həmçinin qeyd edir ki, Ukraynanın gəlməsi gözlənilən Avropa F-16 və "Mirage" təyyarələri də gündüz açıq havada park edilərkən Rusiya pilotsuz təyyarələri və raket zərbələrinə qarşı həssas olacaqlar.
Poliqon.info
Digərxəbərlər
Populyar xəbərlər
