Tramp 2018-ci il sammitində NATO ölkələrini necə təhdid edib?

Poliqon xəbər verir ki, bu barədə Britaniyanın Financial Times qəzeti mənbələrə istinadən yazır.

Materialda qeyd edilir ki, 2018-ci il iyulun 12-də səhər saatlarında Tramp sammitə gedərkən milli təhlükəsizlik müşavirinə zəng edərək ABŞ-a qarşı "ədalətsiz rəftar edildiyini" deyib. "Yanvarın 1-nə qədər bütün NATO ölkələri müdafiə xərclərinin artırılması ilə bağlı öhdəlik götürməlidir. Yoxsa biz gedəcəyik və bunu etməyənləri müdafiə etməyəcəyik", deyə Trampın o zaman bildirib.

Nəşr yazır ki, 2018-ci il sammitində NATO-nun baş katibi Yens Stoltenberqlə görüşdə Tramp alyansın müdafiə xərcləri barədə danışarkən ABŞ-ın külli miqdarda borcu olduğunu vurğulayıb.

Qəzet yazır ki, qəzəbli 15 dəqiqəlik çıxışı zamanı Tramp Avropa ölkələrini razılaşdırılmış müdafiə xərclərini iki dəfə artırmağa və onu demək olar bütün liderlər üçün inanılmaz dərəcədə yüksək etməyə çağırıb.

"Mən milyon faiz NATO tərəfdarıyam, lakin bu şərtlərlə deyil", deyə Tramp qeyd edib.

Qəzetin mənbələrindən biri xatirələrini bölüşüb: "O vaxt otağın ətrafında gəzib insanları pul verməyə çağıranda nəfəsim kəsildi".

Poliqon.info