Fələstinin HƏMAS hərəkatı siyasi ofisini paytaxt Qətərdən İraqın paytaxtı Bağdada köçürə bilər...
Poliqon xəbər verir ki, bu məlumat Qətərin “Emirati The National” nəşri tərəfindən yayımlanıb. Məlumata görə, belə bir addım Dohaya qarşı Vaşinqtonun sülh danışıqları ilə bağlı artan təzyiqi ilə əlaqələndirilir. Qeyd olunur ki, İraq hakimiyyəti bu qərarı artıq ötən ay təsdiqləyib.
Nəşr yazır ki, HƏMAS iyunun əvvəlində Bağdadda siyasi ofisini açıb və yaxın həftələrdə orada mətbuat mərkəzi də açmağı planlaşdırır. Bununla belə, hərəkatın liderləri ofislərini köçürmək üçün dəqiq vaxt barədə hələ qərar verməyiblər. Bağdaddakı hərəkat üzvlərinin təhlükəsizliyinə İraqın təminat verməsi ilə bağlı müzakirələr gedir.
Mümkün addımın Qəzza zolağında ABŞ, Misir və Qətərin əməkdaşlığı ilə aparılan atəşkəs üzrə danışıqların dalana dirənməsi fonunda atıldığı qeyd edilir. Nəşrin məlumatına görə, ABŞ rəsmiləri ABŞ prezidenti Co Baydenin münaqişənin həlli planının həyata keçirilməsində irəliləyişin olmamasında Fələstin hərəkatını günahlandırıb. Qəzetin yazdığına görə, HƏMAS Amerika prezidentinin təkliflərini rədd etdikdən sonra hərəkatın vasitəçiləri ilə İsrail nümayəndələri arasında ciddi təmas olmayıb.
Bundan əlavə, “The National” yazır ki, HƏMAS liderləri İraqa köçsə, bu, sülh danışıqları üçün əlavə problemlər yarada bilər, çünki Doha siyasi liderləri 2012-ci ildən Qətərdə yaşayan Fələstin hərəkatına potensial olaraq daha az təsir göstərə bilər.
Qəzetin mənbələri iddia edir ki, HƏMAS Qətərlə münasibətlərə nəzarət etmək üçün bu və ya digər şəkildə Dohada nümayəndəliyini saxlamaq niyyətindədir.
Poliqon.info