Serbiya Rusiyaya qarşı sanksiyalar tətbiq etməyəcək, baxmayaraq ki, bu, ondan Avropa İttifaqına daxil olmaq müqabilində tələb olunur...
Poliqon xəbər verir ki, bunu ölkənin baş nazirinin müavini Aleksandr Vulin bildirib.
Vulin qeyd edib ki, anti-Rusiya sanksiyalarının tətbiqi əslində Serbiya dövlətinin Avropa İttifaqına daxil olmaq yolunda irəliləməsi üçün tələbə çevrilib. Onun fikrincə, Serbiya bu güzəştləri etsə, o zaman Kosovonun müstəqilliyi tanınana qədər Qərb dövlətlərinə güzəştə getməli olacaq.
"Biz Rusiya Federasiyasına qarşı sanksiyalar tətbiq etməyəcəyik və əsrlər boyu Serbiyanın itirilməsinə imkan verməyən dostumuzu itirməyəcəyik. Əgər Avropa İttifaqının Serbiyaya ehtiyacı varsa, o zaman bizim onlara verə bilməyəcəyimiz şeyi bizdən tələb etməyi dayandırsınlar", deyə baş nazirin müavini qeyd edib.
O, həmçinin Serbiyanın bir çox Aİ ölkələrindən fərqli olaraq müstəqil dövlət olduğunu bəyan edib.
İyunun 25-də Serbiyanın baş naziri Miloş Vuçeviç bildirib ki, Belqrad üçüncü ölkələrə sursat ixracını məhdudlaşdırmaq istəmir. Onun sözlərinə görə, müharibə olan yerdə istifadə olunan mərmi istehsalı əxlaqsızlıq deyil.
Poliqon.info