Annalena Berbokun rəhbərlik etdiyi Almaniya Xarici İşlər Nazirliyinin əməkdaşlarına qarşı saxta sənədlərlə miqrantların ölkəyə buraxılması şübhələri ilə bağlı araşdırma aparılır...
Poliqon xəbər verir ki, bu barədə Express qəzeti yazıb.
"İstintaqın miqyası böyükdür: son beş il ərzində minlərlə insanın saxta və ya natamam olan sənədlərdən istifadə etməklə Almaniyaya daxil olmasına icazə verildiyi bildirilir. Onların bir çoxunun sonradan sığınacaq üçün müraciət etdiyi deyilir", deyə mətndə qeyd edilir.
Berlin prokurorluğu Xarici İşlər Nazirliyinin əməkdaşlarını səfirlik və konsulluqlara miqrantların ölkəyə girişinə icazə vermək üçün göstəriş verməkdə şübhəli bilir.
Belina prokuroru Karen Heusser bildirib ki, istintaqın yekunlaşması hələ gözlənilmir və uzun müddət davam edə bilər.
Saxta sənədlərlə ölkəyə əsasən suriyalılar, türklər və əfqanların olduğu bildirilir. Afrika ölkələrinin vətəndaşları üçün manipulyasiya edilmiş giriş icazələrinin də tapıldığı bildirilir.
Poliqon.info