Rusiyanın PUA zərbəsi nəticəsində Xarkovda mülki şəxs həlak olub

Poliqon xəbər verir ki, bu barədə Xarkov meri İqor Terexov öz teleqram kanalında məlumat yayıb. Zərbələr yaşayış binalarına tuş gəlib və nəticədə 5 nəfər mülki şəxs ölüb. Hücumlardan birinin olduğu əraziyə ikinci zərbə endiriildiyi üçün xilasedicilər də həlak olub.

Terexov hücumlardan birinin olduğu binada dörd nəfərin öldüyünü, onlardan ən azı üçünün hadisə yerinə gələn xilasedicilər olduğunu və bu ölümlərin ikinci hücumun qurbanı olduğunu yazıb. Hücum nəticəsində beş nəfər yaralanıb.

Terexovun yazdığına görə, daha bir nəfər şəhərin başqa bir ərazisində şəxsi evlərə edilən hücumlar nəticəsində həlak olub.

Xarkov vilayəti administrasiyasının rəhbəri Oleq Sinegubov bildirib ki, şəhər boyu azı dörd zərbə endirilib və bir yaşayış binasının yuxarı mərtəbələri zədələnib. O, üç nəfərin xəstəxanada olduğunu, birinin vəziyyətinin ağır olduğunu bildirib.

Poliqon.info