Konqresdə Makakrtinin vəzifədən alınması gözlənilir

ABŞ Konqresinin Nümayəndələr Palatasına Kevin Makkartinin spiker vəzifəsindən istefası üçün petisiya təqdim edilib.

Poliqon CNN-ə istinadən xəbər verir ki, bazar ertəsi Konqresmen Mett Qets Kevin Makakrtinin spiker vəzifəsindən kənarlaşdırılması üçün səsverməyə çağıran qətnamə təqdim edib.

Qetc “Spiker vəzifəsinin vakant elan edilməsi” adlı qətnaməsi imtiyazlıdır, yəni bu qətnaməyə baxılması Nümayəndələr Palatasının digər işlərindən üstündür. Nümayəndələr Palatasının qaydalarına əsasən, imtiyazlı məsələlər iki qanunvericilik günü ərzində dinlənilməlidir.

CNN qeyd edir ki, Respublikaçıların Nümayəndələr Palatasında kiçik çoxluğa sahib olduğunu nəzərə alarsaq, demokratlar Makkartinin istefaya yollanılması və yaxud onun vəzifədə qalmasına qərar verməli olacaqlar.

Qets daha əvvəl demişdi ki, bu həftə spiker Makkartini vəzifəsindən uzaqlaşdırmağa cəhd etməyi planlaşdırır.

"Mən bu həftə spiker Makkartini vəzifədən azad etmək üçün vəsatət vermək niyyətindəyəm. Düşünürəm ki, biz maskanı yırtmalıyıq. Biz etibarlı olan yeni rəhbərliklə irəliləməliyik”, deyə Qets vurğulamışdı.

Qetsin fikrincə, MakKartinin vəzifəsində qala bilməsinin yeganə yolu demokratların onu dəstəkləməsidir.

Demokratlar Partiyasının yüksək səviyyəli mənbəsi CNN-ə bildirib ki, onların qrupunun Makakrtini dəstəklənməsinə şübhə ilə yanaşır. Çünki Makkarti demokratlarla işləməyə az maraq göstərir və prezident Co Baydenə qarşı impiçment araşdırması başladıb.

Poliqon.info