Birləşmiş Ərəb Əmirliklərinin rəhbərliyi Yaxın Şərqdə dəniz təhlükəsizliyi üzrə ABŞ-ın rəhbərlik etdiyi koalisiyadan çıxmaq qərarına gəlib...
Poliqon xəbər verir ki, bu barədə çərşənbə günü BƏƏ Xarici İşlər Nazirliyinə istinadən Al-Arabiya telekanalı məlumat yayıb.
Məlumatda qeyd olunur ki, BƏƏ iki ay əvvəl “bütün tərəfdaşlarla təhlükəsizlik sahəsində əməkdaşlığın effektivliyinin uzun müddət qiymətləndirilməsindən” sonra təşkilatı tərk etməklə bağlı məlumatlandlrıb.
BƏƏ-nin Xarici İşlər Nazirliyi həmçinin beynəlxalq hüquq normalarına uyğun olaraq öz ərazi sularında gəmiçiliyin təhlükəsizliyinin təmin edilməsinə sadiq olduqlarını bəyan edib.
Qərargahı Bəhreyndə yerləşən Birləşmiş Dəniz Qüvvələri Koalisiyası 34 ölkəni birləşdirir. Onun əsas vəzifələrindən biri Qırmızı dənizdə və Fars körfəzində təhlükəsizliyi təmin etmək, terrorizm və dəniz quldurluğu ilə mübarizə aparmaqdır.
Poliqon.info
Digərxəbərlər
Populyar xəbərlər
