Çindən Yaponiyaya cavab: “Yeni büdcə narahatlıq doğurur”

PİA.az Türkiyə mətbuatına istinadən xəbər verir ki, Çin Xarici İşlər Nazirliyinin sözçüsü Vanq Venbin dekabrın 23-də Yaponiya hökumətinin 2023-cü maliyyə ili üçün 6,8 trilyon yen (təxminən 51 milyard ABŞ dolları) həcmində rekord müdafiə büdcəsi barədə razılığa gəldiyinə dair xəbərlərə cavab olaraq növbəti mətbuat konfransında açıqlamalar verib.

Vanq Venbin Yaponiyanın hərbi irəliləyişlər əldə etmək üçün regional gərginliyi artırdığını bildirib. Həmçinin, Vencib bunun təhlükəli olduğunu və Yaponiyanın Asiya qonşuları ilə beynəlxalq ictimaiyyətdə sırf müdafiə yönümlü siyasətə və dinc inkişafa sadiq qala biləcəyi ilə bağlı şübhələr olduğunu qeyd edib.

“Yaponiya tərəfi öz təcavüz tarixini ciddi şəkildə nəzərdən keçirməli, Asiya qonşuları və beynəlxalq ictimaiyyət qarşısında daha da etibarını itirməmək üçün hərbi və təhlükəsizlik sahələrində ehtiyatlı danışmalı və hərəkət etməlidir”.

pia.az