Valideynlərin nəzərinə...
Texnologiyanın ən böyük təsiri, şübhəsiz ki, rabitə vasitələrinin şaxələndirilməsinə olmuşdur.
PİA.az Trend-ə istinadən xəbər verir ki, bu gün hətta sosial media platformaları da ünsiyyət vasitəsinə çevrilib və bu cür nəhəng platformaların gətirdiyi mənfiliklər üzə çıxmağa başlayıb. Bu mənfi cəhətlərdən biri də kiber zorakılıqdır. Kiber zorakılıq, rəqəmsal mühitdə bir insanın başqa bir insanı bezdirməsidir. Kiber zorakılıq, zorakılığın, təzyiqin, hökmranlığın rəqəmsal versiyası elektron mühitdə müxtəlif alətlərdən istifadə etməklə müxtəlif məqsədlər üçün həyata keçirilən bir növ təzyiq elementidir.
Vəziyyət bu qədər ciddi həddə çatdığı halda, hər bir internet istifadəçisi, xüsusən də valideynlər kiber zorakılıqla bağlı yüksək səviyyədə məlumatlı olmalıdır.
Kiber zorakılıq nədir?
Kiber zorakılığın əsasları inkişaf edən texnologiya və sosial media platformalarına əsaslanır. Milyonlarla istifadəçinin daxil olduğu sosial media kanalları kiber zorakılığın qidalandığı, böyüdüyü və ortaya çıxdığı əsas yaşayış sahələridir.
Kiber zorakılığın hədəfi birbaşa internet istifadəçisi, fərdi və ya qrup ola bilər. Bununla belə kiber zorakılığın ən təhlükəli forması uşaqlara təzyiqdir. Bu cür təzyiqlər uşaqların inkişafında əhəmiyyətli neqativliyə səbəb olmaqla yanaşı, psixoloji və psixi problemlərin yaranmasına da səbəb ola bilər.
Bu baxımdan, bütün internet istifadəçilərinin, xüsusən də valideynlərin kiber zorakılıqla mübarizə çərçivəsində yüksək səviyyədə məlumatlı olması həyati əhəmiyyət kəsb edir. Kiber zorakılığın qarşısını almaq və uşaqları bu təzyiq mühitindən uzaq tutmaq üçün düzgün yanaşmalar tətbiq edilməlidir. Lazımi tədbirlər görülərək rəqəmsal təhlükəsizliyə xüsusi diqqət yetirilməlidir.
Kiber zorakılıq hansı üsullarla həyata keçirilir?
İnternet istifadəçilərinin kiber zorakılıqdan qorunmaq üçün bilməli olduğu ən mühüm məsələ kiber zorakılığın necə və hansı üsullarla həyata keçirildiyidir. Bəzi hallarda çox mürəkkəb, bəzən isə çox sadə şəkildə həyata keçirilə bilən kiber zorakılıq daha çox sosial media platformaları vasitəsilə baş verir.
Kiber zorakılığın baş verdiyi ən çox yayılmış rəqəmsal kanalları aşağıdakı kimi sadalamaq mümkündür.
Twitter, Snapchat, Tik Tok, Instagram, Facebook kimi məşhur sosial media kanalları,
Mobil cihazlara göndərilən mətn mesajları, SMS
Müxtəlif mobil proqramlar, kompüter proqramları və sosial şəbəkələr
Ani mesajlaşma proqramları, rəqəmsal sosial məkanlar
E-poçtlar
Bütün bu sosial medianın ortaq cəhəti onların kiber zorakılığın baş verməsi üçün çox uyğun zəmin olmasıdır. İnternet və sosial mediadan istifadənin çox aşağı yaşa çatdığı bu gün uşaqlar ciddi risk altındadırlar.
pia.az
Digərxəbərlər
Populyar xəbərlər
