Amerikalı sahibkar və iş adamı İlon Mask Venesuela hakimiyyətinin ölkədəki X sosial şəbəkəsinin fəaliyyətini dayandırmaq qərarından sonra Nikolas Maduronun “bığlarını ütmək” üçün “kosmik lazer”dən istifadə edəcəyini bildirib...
Poliqon xəbər verir ki, iş adamı bu barədə X sosial şəbəkəsində fikirlərini bölüşüb.
Qeyd edək ki, onlayn istifadəçilər sahibkardan Venesuela hakimiyyətinin X sosial şəbəkəsini bağlamaq qərarına cavab vermək üçün nə edəcəyini soruşublar.
“Biz onun bığını kosmosdan yandıracağıq!”, deyə Mask cavabında yazıb.
Xatırladaq ki, Maduro X sosial şəbəkəsinin ölkə qanunlarını dəfələrlə pozduğunu bildirib və bu səbəbdən sosial şəbəkənin ölkədəki fəaliyyətinin 10 gün müddətinə dayandırılacağını bəyan edib.
Venesuela prezidenti vurğulayıb ki, sosial şəbəkə nifrət, faşizm, vətəndaş müharibəsi, venesuelalılar arasında qarşıdurmanı qızışdırır.
Maduro əlavə edib ki, Milli Telekommunikasiya Komissiyasının (Conatel) təklifini imzalayıb və sosial şəbəkənin Venesuelada fəaliyyətini 10 gün müddətinə qapatmaq qərarına gəlib.
Poliqon.info
Digərxəbərlər
Populyar xəbərlər
