"British Airways" (BA) oktyabrın 26-dan etibarən Londondan Pekinə birbaşa uçuşları ən azı bir il müddətinə dayandıracaq.
Poliqon xəbər verir ki, bu barədə bir sıra nəşrlər, o cümlədən Financial Times aviaşirkət nümayəndələrinin bəyanatına istinadən məlumat yayıb.
Şirkət Honq-Konq və Şanxaya birbaşa uçuşlar həyata keçirməyə davam edəcək.
Pekinə uçuşların dayandırılması tələbin azalması, həmçinin 2022-ci ilin fevralından sonra şirkətin ən sürətli marşrutdan - Rusiya hava məkanından istifadə edə bilməməsi ilə əlaqədardır.
BA təyyarələri indi Qazaxıstan üzərindən marşrutdan istifadə edərək uçuşu təxminən bir saat uzadıb. Bu, "British Airways"i Rusiya hava məkanından istifadə etməyə davam edən Çin hava yolları "Air China" və "China Southern Airlines" şirkətlərindən daha pis vəziyyətdə qoyur.
Britaniyanın digər aviaşirkəti "Virgin Atlantic" də bu gün Çinə uçuşları dayandırdığını elan edib. Bundan əvvəl Avstraliyanın "Qantas Airways" aviaşirkəti təyyarələrin yarı boş göndərildiyindən şikayətlənərək Çinə uçuşları dayandırdığını açıqlamışdı.
Poliqon.info
Digərxəbərlər
Populyar xəbərlər
