Ukraynanın Kursk vilayətinə hücumu: Pentaqon Kiyevə kəşfiyyat məlumatları verir...

Pentaqon Ukrayna Silahlı Qüvvələrinin (Kursk vilayətinə hücumları fonunda bəyan edib ki, onlar Kiyevi kəşfiyyat məlumatları ilə təmin etməyə davam edirlər.

Poliqon xəbər verir ki, bu barədə War Zone portalına Amerika Müdafiə Nazirliyinin nümayəndəsi məlumat verib.

Müdafiə rəsmisi Vaşinqtonun Kursk bölgəsinə hücumlar həyata keçirmək üçün Kiyevə yardım edib-etməməsi ilə bağlı sualı cavablandırıb:

"Birləşmiş Ştatlar Ukraynanı müxtəlif yollarla, o cümlədən kəşfiyyat məlumatı verməklə dəstəkləməyə davam edir".

Lakin o, kəşfiyyat məlumatlarının ötürülməsinin təfərrüatlarını bölüşməyib.

Bundan əvvəl Pentaqonun sözçüsü Sabrina Sinq bildirib ki, Kursk bölgəsində Amerika silahları ilə vurulan zərbələr ABŞ siyasətinə zidd deyil.

Avqustun 6-da səhər saatlarında Ukrayna Silahlı Qüvvələrinin əsgərləri sərhədi keçərək Kursk vilayəti ərazisinə daxil olmağa cəhd ediblər. Bunun üçün onlar 11 tank və 20-dən çox zirehli döyüş maşınından istifadə ediblər.

Kursk vilayətinin qubernatoru vəzifəsini icra edən Aleksey Smirnov qeyd edib ki, Ukrayna Silahlı Qüvvələrinin hücumu Rusiya Federasiyasının Federal Təhlükəsizlik Xidmətinin nümayəndələri ilə birlikdə rus əsgərləri tərəfindən dəf edilib.

Avqustun 7-də Rusiya Silahlı Qüvvələrinin Baş Qərargah rəisi Valeri Gerasimov Ukrayna qoşunlarının Rusiya ərazisinin dərinliklərinə doğru irəliləməsinin dayandırıldığını bildirib. Onun sözlərinə görə, Ukrayna Silahlı Qüvvələrinin bölmələri 1000 nəfərlə irəliləyib.

Ukrayna Prezidenti Volodimir Zelenskinin müşaviri anonimlik şərti ilə The Washington Post-a bildirib ki, Ukrayna Silahlı Qüvvələri Rusiyanın Kursk vilayətində üç gündür gedən döyüşlərdə yüzlərlə insanı əsir götürüb.

"Zelenskinin müşavirinin sözlərinə görə, ukraynalılar üç gün ərzində minlərlə insanın yaşadığı qəsəbələri geridə qoyub, yüzlərlə əsir götürüb, habelə Rusiyanın Macarıstan və Slovakiya ilə enerji əməliyyatları üçün istifadə etdiyi qazölçən stansiyasını ələ keçirib, deyə nəşr yazıb.

Məmur USQ-nin Kursk vilayətinin 100 km² civarında ərazinin ələ keçirdiyini iddia edir. The Washington Post-un Rusiya rəsmilərinin və hərbi bloqçuların bəyanatlarına əsaslanan nəticələrinə görə, Kursk vilayətindəki döyüşlərdə ABŞ və Almaniyanın zirehli maşınları və tankları ilə elit hücum briqadalarından olan minə yaxın ukraynalı əsgər iştirak edir.

Poliqon.info