Livanın “Hizbullah” qruplaşması ABŞ-dan Qəzza zolağında döyüşləri dayandırmağı tələb edib...
Poliqon xəbər verir ki, bu barədə Küveytin“Əl-Cərida” qəzeti İran diplomatik mənbələrinə istinadən məlumat yayıb.
Onlar bildiriblər ki, “Hizbullah”ın tələbinin yerinə yetirilməsi üçün son tarix 3 noyabrdır. Livan qrupunun lideri Həsən Nəsrullahın bu gün çıxışı planlaşdırılır. Qeyd olunur ki, atəşkəs olmasa, o, ümumi səfərbərlik elan edəcək və bütün istiqamətlərdə İsrailə qarşı hərbi əməliyyatlara başlayacaq.
Bir gün əvvəl The Wall Street Journal nəşri Amerika rəsmilərinin açıqlamasına istinadən yazıb ki, ABŞ-da “Vaqner” Özəl Hərbi Şirkətinin Hizbullah hərəkatını hava hücumundan müdafiə sistemi ilə təmin edə biləcəyinə dair kəşfiyyat məlumatları var.
The New York Times qəzeti Livan hökumətindəki mənbələrə istinadən yazıb ki, “Hizbullah” Yaxın Şərqdə İsrail və HƏMAS arasında qarşıdurmaya müdaxilə edə bilər.
Oktyabrın 31-də İtaliyanın xarici işlər naziri Antonio Tajani bildirib ki, Fələstin-İsrail münaqişəsinin yeni mərhələsi fonunda “Hizbullah”ın regionda vəziyyəti gərginləşdirməsi ehtimalı yoxdur.
Poliqon.info
Digərxəbərlər
Populyar xəbərlər
