Türkiyədən gəlmiş psixoloqlar Naxçıvanda qazilərə və şəhid ailəsi üzvlərinə yardım göstərir

Vətən müharibəsi ilə bağlı psixoloji problemlər yaşayan müharibə iştirakçılarının, qazilərin, şəhid ailəsi üzvlərinin, erməni terrorundan fiziki və mənəvi zərər görmüş insanların psixoloji reabilitasiyasının daha səmərəli təşkili məqsədilə Fövqəladə Hallar Nazirliyinin dəvəti ilə Türkiyədən gəlmiş peşəkar psixoloq Naxçıvanda psixoloji yardım işinə başlayıblar.

Bu barədə APA-nın Naxçıvan bürosuna Muxtar Respublikanın Səhiyyə Nazirliyindən məlumat verilib.

Azərbaycan FHN-in dəvəti ilə Türkiyədən gəlmiş 4 psixoterapevt burada yaşayan müharibə iştirakçıları, qazilər və şəhid ailələri üzvlərinə müvafiq tibbi xidmət göstərirlər.

Azərbaycan FHN-in təşkilatçılığı, Naxçıvan MR Səhiyyə Nazirliyinin dəstəyi ilə həyata keçirilən müayinələr MR Xəstəxanasında aparılır.

Müayinələr daha sonra muxtar respublikanın digər şəhər və rayonlarında da davam etdiriləcək.

pia.az