Türkiyədə vəhşi eşşəyin qədim təsviri tapılıb

Poliqon “Arkeonews” portalına istinadən xəbər verir ki, tapıntının yaşı təxminən 11 min il ola bilər.

Karahan Təpə arxeoloji sahəsi Türkiyənin cənub-şərqində yerləşir. Burada tapılan strukturların yaşı təqribən 11 min ildir, o cümlədən onların arasında insan formasında olan 250 T formalı heykəl də də var.

Məlumatda qeyd edilir ki, arxeoloqlar binanın döşəməsini təşkil edən daşların birində qaçan eşşəyin oyulmuş təsvirini tapdılar. Alimlər qeyd ediblər ki, bu dövrdə iki növ heyvanın təsvirləri çox yayılıb. Bunlara yırtıcı və qida kimi istehlak edilən heyvanlar aiddir. Alimlərə görə vəhşi eşşək ikinci qrupa aid olub.

Bildirilir ki, tapıntı tarixin həmin dövründə insan və vəhşi təbiət arasındakı əlaqəni daha yaxşı anlamağa kömək edəcək.

Poliqon.info