ABŞ-ın keçmiş əmək naziri İlon Maskın həbsini tələb edib

Poliqon xəbər verir ki, bu barədə Robert Reyx Britaniyanın “The Guardian” qəzetində dərc olunmuş köşə yazısında yazıb.

“O, dünyanın ən zəngin adamı ola bilər, o, dünyanın ən nüfuzlu sosial şəbəkələrindən birinə də sahib ola bilər, lakin bu, bizim gücsüz olduğumuz anlamına gəlmir, onu dayandırın”, deyə sabiq nazir yazıb.

Başlanğıc üçün Reyx, istehsalı Maskın biznesinin əsasını təşkil edən “Tesla” elektrik avtomobillərini boykot etməyə çağırıb. Bundan əlavə, Reyxə görə Federal Ticarət Komissiyası Maskdan insanlara təhlükə yarada biləcək yalanları aradan qaldırmağı tələb etməlidir və əgər o bunu etməsə, onu məhkəməyə verməlidir.

“Rusiya və digər xarici güclərin X-dən builki prezidentlik yarışını pozmaq üçün istifadə etdiyinə dair artan sübutlar var və ehtimal ki, bu müdaxilələr Trampın xeyrinədir. Mask onları dayandırmaq üçün çox az şey edib”, Reyx iddia edib.

Reyx həmçinin ABŞ hökumətinə Maskın “Space X” şirkəti ilə müqavilələrə xitam verməyi təklif edib. Sonda isə ABŞ-nin keçmiş əmək naziri yazır ki, bütün dünya üzrə tənzimləyicilər Maskı X-da yalan və nifrət yaymağı dayandırmasa, həbslə hədələməlidir.

Poliqon.info