Birləşmiş Ştatlar İsrail və HƏMAS qruplaşması arasında atəşkəs və girovların azad edilməsinə dair sazişi yekunlaşdırmaq üçün Misir və Qətərlə işləyir...
Poliqon xəbər verir ki, bu barədə ABŞ prezidenti Co Bayden administrasiyasında adı açıqlanmayan yüksək vəzifəli məmura istinadən The Washington Post (WP) yazıb.
WP qeyd edir ki, İsrail həftə sonu altı girovun cəsədini aşkar etməzdən əvvəl “al, ya da tərk et” təklifi masada idi. Bu təklifin rədd edilməsi əslində Amerikanın vasitəçilik səylərinin sonu demək ola bilər.
“Siz danışıqlara davam edə bilməzsiniz. Bu proses nə vaxtsa başa çatmalıdır. Amerika rəsmiləri növbəti 48 saat ərzində bütün tərəflərə zəng edərək razılığın hələ də əldə oluna biləcəyini öyrənəcəklə”", deyə WP mənbədən sitat gətirib.
Qeyd edilir ki, Ağ Evin kəskin reaksiyası girovlarla bağlı vəziyyətlə bağlıdır. Xatırladaq ki, həftə sonu İsrail qüvvələri oktyabrın 7-də HƏMAS yaraqlıları tərəfindən əsir götürülənlərdən 6 cəsədi aşkar edib. İsrail bildirib ki, altı nəfərin hamısı yaxınlıqda İDF əsgərlərini görən radikallar tərəfindən öldürülüb.
ABŞ da oxşar qiymətləndirməyə malikdir. Burada güman edilir ki, girovlar onları əsir götürən yaraqlıların gizləndiyi nöqtənin aşkarlanmasından bir qədər əvvəl edam ediliblər.
İsraildə girovların cəsədləri tapıldıqdan sonra kütləvi iğtişaşlar başlayıb. Netanyahudan HƏMAS-la dərhal məşğul olması tələb olunur, yüz minlərlə insan Təl-Əvivdə küçələrə axışıb və İsrailin ən böyük həmkarlar ittifaqı Netanyahu yaraqlılarla razılığa gələnə qədər ölkəni iflic vəziyyətinə salmaqla hədələyib, ümummilli tətilə çağırıb.
Poliqon.info