İsrail ordusunun pilotsuz təyyarəsi Cenində fələstinlilərə zərbələr endirib

İsrail ordusuna məxsus pilotsuz uçan aparat Cenində İsrail əsgərlərinə tərəf partlayıcı qurğular atan bir qrup fələstinliyə hücum edib.

Poliqon xəbər verir ki, bu barədə İsrailin “Yedioth Ahronoth” portalı məlumat yayıb.

Hücum edənlər ərazidə xüsusi əməliyyat keçirən 431-ci Menaşe briqadasının əsgərlərinin hərəkətlərinə müdaxilə etməyə çalışıblar. Hücumun digər təfərrüatları açıqlanmayıb.

Xatırladaq ki, avqustun 28-nə keçən gecə İsrail ordusu Cenin və Tulkərm bölgələrində, eləcə də İordan çayının qərb sahilinin şimalındakı qonşu fələstinli qaçqın düşərgələrində antiterror əməliyyatına başlayıb.

WAFA Agentliyinin məlumatına görə, İsrail hərbçilərinin hərəkətləri nəticəsində azı 25 nəfər həlak olub.

Poliqon.info