Türkiyə parlamentinə düşən yeganə erməni kimdir? - Ermənilər ona ümid bəsləmir...

Bu, hakim olan Ədalət və İnkişaf Partiyasının (AKP) üzvü Sevan Sıvacoğludur. Amma ermənilər ona ümid bəsləmir.

Poliqon xəbər verir ki, bu barədə İstanbulda nəşr olunan ermənidilli “Agos” qəzetinin redaktoru Baqrat Estukyan məlumat verib.

Onun sözlərinə görə, Sivacoğlu ötən il hakim partiyaya daxil olub və bu il parlament seçkilərində deputatlığa namizədliyi irəli sürülüb.

“Sıvacoğlu “Surb Prkiç” erməni xəstəxanasında işləyib. Universitetdən əvvəl İstanbulun mərkəzi seminariyasında təhsil alıb. Erməni icmasında tanınmış şəxs deyildi və yalnız indi məşhurlaşıb”, deyə Estukyan bildirib.

Redaktor bildirib ki, deputat təkbaşına heç nə edə bilməz və buna görə də Türkiyə erməniləri ona böyük ümid bəsləmir:

“O, təkbaşına Ermənistanın gündəmindəki mühüm mövzuları və ictimaiyyəti narahat edən məsələləri ardıcıl şəkildə təbliğ etmək iqtidarında deyil. Onun hakim siyasi qüvvəyə qoşulduğunu nəzərə alsaq, Sivacoğlu Türkiyə parlamentində özünü Karo Paylan (kürd yönümlü Xalqların Demokratik Partiyasının üzvü) kimi apara bilməyəcək”.

Estukyanın sözlərinə görə, Sivacoğlu inzibati məsələləri təbliğ edə və müxtəlif sorğulara məqsədli cavablar verə bilər.

Qeyd edək ki, bundan əvvəlki parlamentdə üç erməni əsilli deputat var idi və onların Xalqların Demokratik Partiyasını təmsil edirdi.

Poliqon.info