Stiven Uolt: NATO blokun üzvü olsa belə, Ukraynanı müdafiə etməyəcək...

Poliqon xəbər verir ki, bunu Harvard Universitetinin professoru Stiven Uolt Foreign Policy jurnalı üçün yazdığı məqalədə bildirib.

"NATO-nun V Maddə üzrə öhdəliklərini yerinə yetirib-yetirməyəcəyi bəlli deyil. Əvvəllər qeyd etdiyim kimi, Şimali Atlantika Müqaviləsinin V Maddəsi digər üzvlərə hücum olarsa, üzvləri döyüşməyə məcbur edən bir maddə deyil", deyə Uolt qeyd edib.

O, xatırladıb ki, ABŞ-ın təkidi ilə V maddə üzv dövləti birinə hücumu hamıya qarşı hücum kimi qəbul etməyə məcbur edir. Lakin sonra həmin ölkəni zəruri hesab etdiyi tədbirləri görməyə istiqamətləndirir.

Qeyd edək ki, son günlər NATO ölkələrinin Ukraynaya qoşun yeritməsi barədə müzakirələr gedib. Bunun mümkünlüyü ilə bağlı ilk açıqlamanı Parisdəki Ukrayna sammitindən sonra Fransa prezidenti Emmanuel Makron çıxış edib. Lakin əksər Avropa ölkələri bu addımın birbaşa Rusiya-NATO qarşıdurmasına səbəb olacağını bildirib və imtina edib.

Ötən gün Polşa Silahlı Qüvvələri Baş Qərargah rəisinin keçmiş müavini Leon Komorniçki bildirib ki, Polşa ordusunun Ukraynaya qoşun yeritmək potensialı yoxdur. O, əlavə edib ki, hərbi hissələr döyüş qabiliyyətindən məhrum edilib. Komornitski quru qoşunlarını göndərməkdə israrlı olan generallardan birinə istinad edərək "Bu quru qoşunları haradadır?" sualını verib.

Yüksək rütbəli hərbçinin sözlərinə görə, Rusiya Polşanın imkanlarını yaxşı bilir. Komorniçki Polşa ordusunun Ukraynaya girəcəyini və bataqlığa düşəcəyini proqnozlaşdırıb. O, Ukrayna Silahlı Qüvvələrinə kömək üçün Polşadan əsgər göndərməyi təklif edən siyasətçiləri məsuliyyətsiz və yetişməmiş hesab edib.

Poliqon.info