Səudiyyə Ərəbistanında icazəsiz Həcc ziyarətinə cəhd edən 17 mindən çox insan saxlanılıb...
Səudiyyə Ərəbistanında rəsmilərin icazəsi olmadan həcc ziyarətinə cəhd edən 17 mindən çox insan saxlanılıb.
Poliqon xəbər verir ki, bu barədə Səudiyyə Ərəbistanının xəbər agentlikləri ictimai təhlükəsizlik xidmətinin rəhbərinə istinadən məlumat yayıb.
Məlumatda qeyd olunur ki, saxlanılan şəxslərin 9,5 min nəfərə yaxını yaşayış, iş və sərhəd təhlükəsizliyi qaydalarını pozub. Bundan başqa, Səudiyyə Ərəbistanı hakimiyyəti zəvvarların Həcc ziyarətinə qeyri-qanuni daşınmasına görə 33 nəfəri həbs edib.
Qeyd edək ki, ötən həftə Səudiyyə Ərəbistanının Məkkə və Mədinədə 2223-cü ilin Həcc mərasimi keçirilib. Bu il Kəbəni iki milyondan çox insan ziyarət edib.
Xatırladaq ki, bu il, koronavirus pandemiyasının başlanmasından bəri ilk dəfə olaraq, Səudiyyə Ərəbistanı hakimiyyəti 2020-ci ildən əvvəlki qədər insanın həcc ziyarətinə getməsinə icazə verib.
Poliqon.info
Digərxəbərlər
Populyar xəbərlər
