Qırğızıstan neoliberal ideologiyadan məyus olub...
Poliqon xəbər verir ki, bunu ölkə prezident Sadır Japarov "Jani Kadam" sosial səfərbərliyə dair ümummilli müşavirədə bildirib.
O, SSRİ-nin dağılmasından sonra Qırğızıstanda neoliberal ideologiyanın geniş yayıldığını, ona görə bazar iqtisadiyyatının "görünməz əli"nin "inkişaf möcüzəsi" yaratmalı olduğunu bildirib.
"Biz bu prinsipə kor-koranə inanmaqla uzun illər sərf etmişik. Bizə deyirlər ki, dövlət pis idarəçidir, hökumət iqtisadiyyatda heç bir rol oynaya bilməz. Bu, sadə insanların mənafeyinə zidd olan saxta ideologiyadır. Biz şahidi olduq ki, inkişaf olmayıb, ölkəmiz talan edilib, dağıdılıb, demək olar ki, yox olub. Artıq belə olmamalıdır ki, çünki yalnız müəyyən bir qrup insan varlanır", deyə prezident qeyd edib.
Sadır Japarov son üç ildə əldə edilmiş bəzi göstəriciləri misal çəkib: dövlət gəlirləri demək olar ki, 3 dəfə, ÜDM 2 dəfə artıb, Qırğızıstan əmək haqqı artımına görə Avrasiya İqtisadi İttifaqında liderdir.
Bişkekdə "Jani Kadam" sosial səfərbərliyə dair ümumrespublika toplantısı keçirilir. Burada ölkənin yüksək səviyyəli rəhbərləri və bütün regionlardan Sosial Müqavilə proqramının nümayəndələri iştirak edirlər.
Qeyd edək ki, neoliberalizm siyasi iqtisad və fəlsəfə elmlərinin birgə yeni istiqamətidir. Neoliberalizm liberalizmdən fərqli olaraq iqtisadiyyatın dövlət tərəfindən tənzimlənməsinə etiraz etmir. O da liberalizm kimi bazar münasibətlərinə və azad rəqabətə iqtisadi inkişafın və sosial ədalətin əsas vasitəsi kimi baxır. Neoliberalizm qloballaşmanın ikinci dövrünün başlanması ilə yaranıb. O XX əsrdə bizneslə əmək arasında əməkdaşlığı və rəqabətlə dövlət tənzimlənməsinin vəhdəti nəzərdə tutan sosial-liberalizm ideyasına etiraz kimi yaranıb.
Poliqon.info
Digərxəbərlər
Populyar xəbərlər
