NATO ölkələri 2025-ci ildə Haaqada keçiriləcək sammitdə müdafiə xərclərinin ÜDM-in 2,5%-nə qədər artırılmasını müzakirə edəcəklər...
Poliqon xəbər verir ki, bu barədə “Semafor” portalı məlumat yayıb.
Portal Estoniya Müdafiə Nazirliyinin vitse-kansleri Tuuli Dunetona istinadən yazır: “Biz Haaqa sammitində yeni öhdəliyə doğru addımlar atacağıq”.
Estoniya Müdafiə Nazirliyinin nümayəndəsi qeyd edib ki, bu məsələ iyulun 9-11-də Vaşinqtonda keçiriləcək sammitdə də müzakirə olunmayacaq.
“Getdikcə daha çox müdafiə naziri ÜDM-in 2%-nin kifayət etmədiyini deyir”, deyə Duneton qeyd edib.
Eyni zamanda, Norveçin xarici işlər naziri Espen Bart Eide müdafiə xərclərinin artırılması ilə bağlı söhbətləri əsassız adlandırıb və qeyd edib ki, ilk növbədə vəsaitlərin səmərəli xərclənməsinə nəzarət etmək lazımdır.
Adı açıqlanmayan avropalı diplomatın portala verdiyi şərhdə bildirilir ki, müdafiə xərclərinin artırılması ilə bağlı qeyri-rəsmi müzakirələr artıq başlayıb. Diplomatın sözlərinə görə, ABŞ-da keçiriləcək prezident seçkilərindən sonra bu istiqamətdə işlər intensivləşə bilər.
Poliqon.info
Digərxəbərlər
Populyar xəbərlər
