Pentaqon: "Vaqner" mahiyyətcə bitdi

"Yevgeni Priqojinin ölümündən sonra "Vaqner" qrupu mahiyyətcə bitdi".

Poliqon xəbər verir ki, bunu Pentaqonun sözçüsü, briqada generalı Patrik Rayder deyib.

Jurnalistlər keçən il Şimali Koreyanın "Vaqner"ə silah satmasına dair iddiaları xatırladıb və Patrik Rayderə "Vaqner" ilə Şimali Koreya arasındakı silah müqaviləsinin bitdiyinə inanırsınızmı" sualını verib. Pentaqon rəsmisinin suala cavabı belə olub: "Burada əsas məqam "Vaqner" qrupunun mahiyyətcə bitməsidir. Ona görə də deyə bilərəm ki, heç bir danışıqlar yoxdur".

"Vaqner"in bir müddətdir Rusiya-Ukrayna müharibəsində meydanda ən təsirli faktor olduğunu qeyd edən Patrik Rayder "Rusiya İran və Şimali Koreya kimi zalım rejimlərdən sursat və ya silah almağa çalışır" deyib.

Poliqon.info