Qazaxıstanda Tokayev və Şoltsun mətbuat konfransı ləğv ebilib

Poliqon xəbəbrverir ki, bu barədə DPA məlumat yayıb. Agentlik qeyd edir ki, Qazaxıstan və Almaniya liderlətinin birgə mətbuat konfransının ləğv edilməsinin səsbəbi açıqlanmayıb.

DPA qeyd edir ki, Tokayevlə görüşdən sonra Şolts jurnalistlərlə söhbət edib. Astananın nə qədər qonaqpərvər olduğunu düşündüyünü soruşduqda, o, “hər halda bütün dünyada jurnalistlər üçün yaxşı iş şəraitinin olmasını istərdim” deyib.

“Ona görə də mən bu işə kiçik bir töhfə vermək üçün burada sizin qarşınızda dayanıram. Hərhalda mən bunu bu və ya digər şəkildə edirəm”, deyə kansler sğzlərinə əlavə edib.

Qazaxıstan prezidentinin mətbuat xidməti bildirib ki, Tokayev Şoltsun xahişi ilə Rusiya-Ukrayna münaqişəsi barədə fikirlərini açıqlayıb. Tokayev İstanbul sazişinin bağlanmasından imtinaya görə atəşkəs şansının əldən verilməsindən təəssüfləndiyini bildirib. Dövlət başçısı bildirib ki, “Rusiya hərbi cəhətdən məğlubedilməzdir” və “müharibənin daha da genişlənməsi bütün bəşəriyyət üçün və ilk növbədə, Rusiya-Ukrayna münaqişəsində birbaşa iştirak edən bütün ölkələr üçün düzəlməz nəticələrə gətirib çıxaracaq”. Tokayev Çin və Braziliyanın təqdim etdiyi sülh planını dəstəkləyib.

Poliqon.info