Respublikaçılar Partiyasından ABŞ prezidentliyinə namizəd Donald Tramp qarşıdan gələn seçkilərdə qalib gələcəyi təqdirdə Rusiya və Çinlə münasibətləri yaxşılaşdıracağına söz verib...
Poliqon xəbər verir ki, Tramp bu barədə bloger Faroq Sarmada müsahibəsi zamanı müvafiq bəyanatla çıxış edib. Söhbət zamanı o, Pekini və Moskvanı Vaşinqtonun düşməni hesab etmədiyini vurğulayıb. Müsahibə X sosial şəbəkəsində yayımlanıb.
Bundan əlavə, eks-dövlət başçısı Ukraynada silahlı münaqişəyə son qoymaq arzusunu ifadə edib.
Xatırladaq ki, sentyabrın 15-də Tramp Yalta Avropa Strategiya forumunda çıxışı üçün videomüraciət yazıb və orada Ukrayna böhranının həlli üçün iki komponenti qeyd edib. ABŞ prezidentliyinə namizəd bildirib ki, atəşkəsə “ruhun və müdrikliyin gücü” ilə nail olmaq lazımdır.
Poliqon.info