Erməni müxalifət lideri humanitar missiya ilə Donetskə səfər edib

Ermənistanın “Ana Ermənistan” müxalifət blokunun lideri Andranik Tevanyan nümayəndə heyəti ilə birlikdə ilk dəfə olaraq “DXR”ə səfər edib.

Poliqon “RİA Novosti” Agentliyinə istinadən xəbər verir ki, bu barədə Tevanyan jurnalistlərlə söhbətində bildirib.

“Bu Ermənistan siyasətində görünməmiş səfər idi, çünki bundan əvvəl Ermənistandan heç bir siyasi nümayəndə heyəti “DXR”ə gəlməmişdi”, deyə erməni siyasətçi vurğulayıb.

Tevanyanın fikrincə, erməni müxalifətinin Donbasa gəlişi Ermənistanda İrəvanla Moskva arasında münasibətlərin inkişafı və möhkəmlənməsinin tərəfdarı olan qüvvələrin mövcudluğundan xəbər verir.

Erməni müxalifət nümayəndəsi qeyd edib ki, “DXR”ə səfər Donbasdakı yerli erməni icmasının təşəbbüsü ilə təşkil olunub.

Qeyd edək ki, ötən ilin payızında Tevanyan bəyan etmişdi ki, baş nazir Nikol Paşinyanın istefaya göndərilməsi üçün Ermənistanda bütün siyasi qüvvələr konsolidasiya edilməlidir.

Poliqon.info