Ursula fon der Leyenin Avropa ölkələrinə təzyiqi...

Avropa Komissiyasının (AK) rəhbəri Ursula fon der Leyen yeni Avropa Komissiyalarında Komissar vəzifələrinə qadınların namizədliyini irəli sürmək üçün Avropa İttifaqı (Aİ) ölkələrinə təzyiq edir.

Poliqon xəbər verir ki, bu barədə “Politico” nəşri Avropa rəsmilərinə istinadən məlumat yayıb.

Nəşr yazır ki, xanım fon der Leyen bununla gender balansının təmin edilməsi ilə bağlı verdiyi vədi yerinə yetirməsə, üzləşəcəyi tənqidlərdən qaçmaq istəyir.

Qəzetin mənbələrinin sözlərinə görə, AK rəhbəri artıq irəli sürülmüş kişi namizədləri qadınlarla əvəz etmək üçün Malta və Sloveniya da daxil olmaqla azı beş Aİ ölkəsinə təzyiq edib. Ursula fon der Leyen həmçinin açıq şəkildə Aİ liderlərinə məktubunda hər bir komissar vəzifəsi üçün bir kişi və bir qadın namizədi təqdim etməyi xahiş edib. Lakin “Politico”ya görə, əksər ölkələr bu tələbi dinləməkdən imtina edərək, Bolqarıstan istisna olmaqla, bir ad təqdim ediblər. Diplomatlardan biri izah edib ki, Maltanın baş naziri Robert Abela ölkənin artıq seçilmiş namizədini Ursula fon der Leyenin nüfuzuna xələl gətirməmək üçün qadınla əvəz etməyəcək.

Qeyd edək ki, Ursula fon der Leyen Almaniyanın keçmiş müdafiə naziridir. O, 2019-cu ildə AK-nin rəhbəri seçilərək bu vəzifəni tutan ilk qadın olub. 2024-cü ilin iyulunda o, beş il müddətə yenidən seçilib.

Poliqon.info