ABŞ məhkəməsi tərəfindən korrupsiyada və digər ştatların maraqlarını lobbiçilikdə təqsirli bilinən ermənipərəst senator Robert Menendez istefa vermək niyyətində olduğu barədə məlumatları təkzib edib...
Poliqon xəbər verir ki, bu barədə CBS məlumat yayıb.
İyulun 18-də Fox News telekanalı Menendezə yaxın mənbələrə istinadən onun istefa verməyi planlaşdırdığını bildirib. Siyasətçi vəzifəsini tərk edərsə, bu, onun Konqresdəki təxminən 30 illik karyerasına son qoyacaq.
CBS telekanalına müsahibəsində Menendez istefa vermədiyini və heç bir həmkarı ilə belə planlar barədə danışmadığını deyib. Siyasətçi onu belə bir açıqlama verməyə məcbur etməyə çalışdıqlarını irəli sürüb. Senatorun sözlərinə görə, onu yaxından tanıyan hər kəs anlayır ki, bu, ondan tədbir almağın ən pis yoludur.
İyulun 16-da xəbər yayılıb ki, 2017-ci ildə korrupsiyaya görə həbsdən yaxa qurtaran Nyu Cersi ştatından olan demokrat senator Robert Menendez iş adamları və xarici hökumətlərlə bağlı federal rüşvət işi üzrə təqsirli bilinib.
Bildirilir ki, ermənipərəst senator geniş sxem yaradaraq yüz minlərlə dollar nağd pul, dəbdəbəli avtomobil və xalis qızıl külçələri müqabilində ofisini xarici güclərə və vicdansız iş adamlarına satıb. O, korrupsiya işində bütün maddələr üzrə təqsirli bilinib.
ABŞ münsiflər heyəti demokrat senator Robert Menendezi korrupsiya və xarici agent kimi Misir və Qətərin maraqlarına lobbiçilik də daxil olmaqla bütün 16 ittiham üzrə təqsirli bilib.
Bundan əlavə, siyasətçi ədalət mühakiməsinə mane olmaqda, hədə-qorxu ilə tələb etməkdə və dələduzluqda təqsirli bilinib. Menendezi 20 ilə qədər həbs gözləyir, lakin o, apellyasiya şikayəti verə bilər.
Poliqon.info
Digərxəbərlər
Populyar xəbərlər
